အစိုးရစက်မှုလက်မှုသိပ္ပံ(သရက်)

အစိုးရစက်မှုလက်မှုသိပ္ပံ(သရက်မြို့)၌ ( ၂” x၂၀၀’)အဝီစီတွင်းရှိပြီးဂါလံ(၂)သောင်းဆံ့မြေအောက် ရေသိုလှောင်ကန်သို့ ရေမြှုပ်မော်တာဖြင့်မောင်းတင် သိုလှောင်ပြီးရေစင် အမြင့်ပေ(၃၀)ပေရှိသောဂါလံ (၁၆၀၀)ဆံ့ ရေကန်သို့ ဖြင့် တစ်ဆင့်မောင်းတင်၍ ကျောင်းသား၊ကျောင်းသူများအတွက် သုံးရေအဖြစ်အသုံးပြုလျှက်ရှိပါသည်။Ø( ᴓ ၆”x ၆၀၀’) Tube Well တူး၍ ဂါလံ (၁)သောင်းခွဲဆံ့Ground Tank  သို့ Pump ဖြင့်တင်ပြီး ကျောင်း၀င်းအတွင်းနေထိုင်ကြသောဆရာ၊ဆရာမ၊၀န်ထမ်းများအတွက် သုံးရေအဖြစ်အသုံးပြုပါသည်။ ဆရာ၊ဆရာမ၊၀န်ထမ်းများ ၊ကျောင်းသား၊ကျောင်းသူများအတွက် သောက်ရေကိုရေသန့်၀ယ်ယူ သောက်ရပါသည်။
    အစိုးရစက်မှုလက်မှုသိပ္ပံ(သရက်မြို့)တွင် ၆.၆ကေဗွီအေ ဓါတ်အားခွဲရုံတည်ဆောက်ထားရှိပြီးဖြစ်ပြီး လျှပ်စစ်မီးရရှိမှုမှာအဆင်ပြေလုံလောက်မှုရှိပါသည်။
    အစိုးရစက်မှုလက်မှုသိပ္ပံ(သရက်မြို့)တွင် ကျောင်းသား၊ကျောင်းသူများကျောင်းတက်၊ကျောင်းဆင်းအတွက်ပုဂ္ဂလိက(လင်းယုန်)သုံးဘီးယာဉ် လိုင်းဖြင့် အဆင်ပြေချောမွေ့စေရန်အတွက် အထွေထွေအုပ်ချုပ်ရေးဦးစီးဌာနနှင့် ညှိနှိုင်းဆောင်ရွက်လျှက် ရှိပါသည်။
    အစိုးရစက်မှုလက်မှုသိပ္ပံ(သရက်မြို့)တွင် ဆရာ၊ဆရာမများမှ ကျောင်းသား၊ကျောင်းသူများပညာရည်မြင့်မားရေးနှင့် ကျွမ်းကျင်သောပညာရှင်များပေါ်ထွက်လာစေရေးတို့အတွက် ဘာသာရပ် သင်ကြားပို့ချခြင်း၊ လက်တွေ့ပြုလုပ်ခြင်းများကိုစနစ်တကျ အချိန်စာရင်းများရေးဆွဲပြီးဆောင်ရွက်ခြင်း၊ အောင်ချက်ရာခိုင်နှုန်းမြင့်မားစေရေးအတွက် ကျောင်းသား၊ကျောင်းသူများကျောင်းတက်မှန်ကန်စေရေး၊ ဘာသာရပ်ဆိုင်ရာများကိုနားလည်တတ်ကျွမ်းစေရန် ဌာနမှူးနှင့် ဆရာ၊ဆရာမများကအချိန်ပြည့်ကြီးကြပ် ဆောင်ရွက်ခြင်း၊ ကျောင်းသား၊ကျောင်းသူများ၏ လက်တွေ့ဘာသာရပ်အလိုက် ကျွမ်းကျင်မှုရှိစေရန် ဆောင်ရွက်ပေးခြင်းများကိုအပါတ်စဉ်ဆောင်ရွက်လျှက်ရှိပါသည်။
ဒေသတွင်းရှိတက္ကသိုလ်၀င်စာမေးပွဲအောင်မြင်သူများမှအဆင့်မီသူတိုင်း    အင်ဂျင်နီယာပညာရပ်များကိုမိမိဒေသအတွင်း၌ပင်လေ့ကျင့်သင်ကြားပေးလျက် ရှိပါသည်။ ဒေသတွင် လိုအပ်နေသောကာလတိုသင်တန်းများဖြစ်သော (အိမ်သုံးလျှပ်စစ်ပစ္စည်းများပြုပြင်ထိန်းသိမ်းခြင်းသင်တန်း၊ ဂဟေဆော်သင်တန်း၊ အခြေခံကွန်ပျူတာသင်တန်း၊တွင်ခုံ၊ဖောက်ခုံပြုပြင်ထိန်းသိမ်းခြင်းသင်တန်း၊အိမ်တွင်းလျှပ်စစ်မီးသွယ်တန်းခြင်းသင်တန်း၊Auto CAD သင်တန်း၊တစ်လုံးထိုးအင်ဂျင်ပြုပြင်ထိန်းသိမ်းခြင်းသင်တန်း
အခြေခံမြေတိုင်းတာခြင်းနှင့် အခြေခံအဆောက်အဦးကုန်ကျစရိတ်တွက်ချက်မှုသင်တန်း) စသည့် သင်တန်းများကိုလည်းဖွင့်လှစ်သင်ကြားပေးလျက်ရှိပါသည်။