အစိုးရစက်မှုလက်မှုသိပ္ပံ(ကန့်ဘလူ)

(က)    ၂၀၁၁ခုနှစ်မှစ၍ သိပ္ပံနှင့်နည်းပညာဝန်ကြီးဌာန (ပြည်ထောင်စုဝန်ကြီးရုံး)၊ စက်မှုနှင့် သက်မွေးပညာဦးစီးဌာန၊ အစိုးရစက်မှုလက်မှုသိပ္ပံ(ကန့်ဘလူ)၏ ပထမနှစ်သင်တန်းများကို             (၂-၁၂-၂၀၁၁)ရက် နေ့မှစ၍ ကျောင်းအပ်နှံခြင်း လက်ခံဆောင်ရွက်ခဲ့ပြီး (၅-၁၂-၂၀၁၁)ရက်နေ့မှစ၍ ခေတ်မီဖွံ့ဖြိုးတိုးတက်သော နိုင်ငံတော်တည်ဆောက်ရာတွင် အခြေခံအဖြစ် အဓိကလိုအပ်သည့် အင်ဂျင်နီယာသင်တန်း(၇)မျိုးအား အချိန်ဇယားဆွဲပြီး စနစ်တကျသင်ကြားမှုဆိုင်ရာ ကိစ္စရပ်များ ဆောင်ရွက်ခဲ့ပါသည်။
(ခ)    အစိုးရစက်မှုလက်မှုသိပ္ပံ(ကန့်ဘလူ) ဖွဲ့စည်းတည်ထောင်ခြင်းကို ပြည်ထောင်စုမြန်မာ နိုင်ငံတော်အစိုးရအဖွဲ့၏ (၁၀-၃-၂၀၁၁)ရက်စွဲ ပါစာအမှတ်၊ ၇၄/၁၄၈/အဖရ (၉/၂၀၁၁) အရ အရာထမ်း (၃၃၃)ဦး၊ အမှုထမ်း (၂၅၈)ဦး ၊စုစုပေါင်း(၅၉၁)ဦးတို့ဖြင့် ခွင့်ပြုခဲ့ပါသည်။        စတင်ဖွင့်လှစ်စဥ်ကာလ၌ အစိုးရစက်မှုလက်မှုသိပ္ပံ(ကန့်ဘလူ)ကို စီမံဌာနတွင် အရာထမ်း (၃)ဦး၊ အမှုထမ်း(၇)ဦး၊  စုစုပေါင်း(၁၀)ဦးနှင့် သင်ကြားရေးတွင် (၄၅)ဦးတို့ဖြင့် စတင်ဆောင်ရွက််ခဲ့ ပါသည်။ 
(ဂ)    ၂၀၁၁-၂၀၁၂ ပညာသင်ကာလ၌ Mechanical (၅၈)ဦး၊ Electronic(၅၄)ဦး၊ Electrical Power (၆၁)ဦး၊ Mechantronics (၂၈)ဦး၊ Civil (၄၃)ဦး၊  Information Technology   (၃၂)ဦး၊  Biotechnology (၁၂)ဦး၊ စုစုပေါင်း (၂၈၈)ဦး  တက်ရောက်ခဲ့ပါသည်။ 
(ဃ)    ၂၀၁၁ခုနှစ်မှစ၍ သိပ္ပံနှင့်နည်းပညာဝန်ကြီးဌာန၊ စက်မှုနှင့်သက်မွေးပညာဦးစီးဌာန၊ အစိုးရစက်မှုလက်မှုသိပ္ပံ(ကန့်ဘလူ)သည် နိုင်ငံတော်မှချမှတ်ပေးထားသော မူဝါဒများနှင့်အညီ ခေတ်မီဖွံ့ဖြိုးတိုးတက်သော နိုင်ငံတော်ကြီးတည်ဆောက်ရာတွင် အရည်အချင်းနှင့် အရေအတွက် အရပါ လိုအပ်သော အတတ်ပညာရှင်များ မွေးထုတ်လေ့ကျင့်ပညာသင်ကြားပေးခြင်း ဆောင်ရွက်လျက် ရှိပါသည်။
(င)    ၂၀၁၆ခုနှစ်၊ မတ်လ(၃၁)ရက်နေ့တွင် ပညာရေးဝန်ကြီးဌာနနှင့် သိပ္ပံနှင့်နည်းပညာ ဝန်ကြီးဌာန ပေါင်းစည်းခဲ့ပြီး နည်းပညာနှင့်သက်မွေးပညာဦးစီးဌာနအား ပညာရေးဝန်ကြီးဌာန အောက်သို့ ပူးပေါင်းဖွဲ့စည်းခဲ့သဖြင့် အစိုးရစက်မှုလက်မှုသိပ္ပံ(ကန့်ဘလူ)သည် ပညာရေးဝန်ကြီးဌာန၊ နည်းပညာ၊သက်မွေးပညာနှင့်လေ့ကျင့်ရေးဦးစီးဌာနအောက်သို့ ရောက်ရှိခဲ့ပါသည်။